नरखेड, मोहोळ (सोलापूर जिल्हा) येथील शेतकरी कुटुंबात जन्मलेले उमेश पाटील हे राष्ट्रवादी काँग्रेस पक्षातील एक सजग, प्रभावी आणि कार्यतत्पर नेते म्हणून ओळखले जातात. कृषी विषयात पदव्युत्तर (एम.एस्सी. ॲग्रो.) शिक्षण घेतलेल्या पाटील यांनी आपल्या राजकीय वाटचालीची सुरुवात कृषी विद्यार्थी आंदोलनातून केली आणि पक्षाच्या स्थापनेपासूनच ते सक्रिय राहिले आहेत.

शेतकरी, युवक आणि ग्रामीण भागातील प्रश्नांवर सातत्याने आवाज उठवत त्यांनी महाराष्ट्रभर पक्षाच्या विविध जबाबदाऱ्या समर्थपणे पार पाडल्या आहेत. आज ते राष्ट्रवादी काँग्रेस पक्षाचे युवक प्रदेशाध्यक्ष,प्रदेश प्रवक्ते म्हणून आपल्या भूमिकेचे नेटाने आणि प्रभावीपणे प्रतिनिधित्व करत आहेत.